Hallo Zämä

Wie mir scho mitteilt hei, dörfe mir ab sofort u bis afä mau am 19.04.2020, d Rittschuel gemäss aktuellä Bestimmige vom Bundesrat nüme offe ha. Was bedütet, dass für üsi Existänz absolut keni Inhame meh chöi generiert wärde. Da z reale Läbä momentan ke Ponyhof isch, loufe üsi Fixköste trotzdäm witer. Üsi Tier bruche Fuetter, Hufpfleg und viellech mau dr Tierarzt. Das aues chöi mir i dr itzige Situation nüme alleini stemme.

We mir aui Zämä am glich Zügel zieh, isches müglech, dr Pony-Club Merlin u sini Bewohner dür diä Zit z füehre.

(Diversi behördlichi Abklärige hei ergä, dass dr Staat no nid so wit isch, chlini Unternehmer, so wie mir das si, sofort z unterstütze).

We auso o du chasch und wetsch a däm Zügel zieh, de darfsch du sehr gern das PDF-Formular online usfülle und a merlin_2020@bluewin.ch retourniere. (söts speter staatlichi Unterstützige gä, düe mir uf Wunsch eui Spänd ire geeignete Form z.B. als Rittstunde-Abo, zrug vergüete.)